Musikken, naturen og samtalen vert ei heilskapleg oppleving, som kan få folk til å tenkje over kva det vil seie å skape og eksistere som menneske i vår tid.
Magnar Åm, kunstnarisk leiar
​
Kunstnarisk leiar: Magnar Åm
Dagleg leiar: Kaja Skatvedt Robak
Styremedlemmer: Ingrid Opedal, Geir Hjorthol og Ingrid Vik Henriksen
tlf. 91801735
​
​
tonehimmel er ein festival og konsertarrangør for samtidsmusikk i distriktet, med fokus på musikk, natur og menneske. Målet er å lyfte samtidsmusikk fram til eit breiare publikum, med konsertrekker der konserten og samtalen saman utgjer ei heilskapleg oppleving og samstundes fremjar refleksjon rundt det å skape og eksistere som menneske i vår tid.
Vi lagar ei nyskapande ramme for framføring av samtidsmusikk, der vandring i naturen og publikum sin eigen refleksjon og samtale seg imellom er ein viktig del av opplevinga.
Vi trur kjennskap til det mennesket som har skrive musikken, refleksjonen og framferda bak aukar folk sine føresetnader for å kunne ta inn musikken deira, sjølv om han for mange har eit uvant tonespråk. Vi meiner dette er viktig for å gjere musikken tilgjengeleg for fleire.
